Chal Udd Chalein....

Chal Udd chalein.....

khawaabon ke sang....

rangein uske rang....

sochein use...chahein use....

bin paaye hi....paayein use...

Chal mudd chalein...us dagar ko...

le jaye jo...us sheher ko....

dhoondhein use...

galiyon-kooche...

mil jaye to....dikh jaye to...

ya aar karein...ya paar karein...

par us se naina...chaar karein....

Chal beh chalein....

Dariya ke sang....Leherein tarang....

raiteeli boondein...aankhon ko moondein...

Bheege se paanv ....sooraj ki chhaanv...

samandar mein goti...ek seepi soti...

ek ujla moti....vo ujli jyoti....

moti se mil...Jhilmil jhilmil...

ho aayein hum...kho jayein hum...
  

chal ghoom lein...

baghiya-baghiya...bhanwaron ke sang....

tehni-tehni...patta-patta...

phoolon se khil...khushbu se mil....

panchhi ban ban...

fir chehek-chehek...thoda mehek-mehek...

khush ho jayein...thoda jee jayein...

chal udd chalein....

neela gagan...chhoo aayein hum...

us kshitij ko ...choom aayein hum...

dhoondhein use...

baadal-baadal...taaron -taaron...

sooraj mile..chanda khile...

roshan roshan ...vo ikk khayaal...

uljha-suljha ...vo ikk sawaal....

hal khoj lein...fir mauj lein...

jeet aayein hum....geet gayein hum...

aa ke dharaa ko...batlayein hum...

ke ....

humm udd chaley...humm mudd chaley...

hum beh chaley...humm keh chaley....

humm aayenge...khwaab layenge....

kuch madir-madir....kuch madhur-madhur...

kuch halke se...kuch gaher-gaher...

bas laayenge....jab aayenge...

kuch hoga yun...na jaane kyun....

ke sab mil jul...

fir baithenge...batiyange...

sab gaayenge...khilkhilayenge....

sapnon ke sheher...basayenge....

kho jayenge...so jayenge...

sapnon ke sheher ...ho aayenge...

har ikk sapna us sheher ka...

hum sachmuch sach kar jayenge....

humm duniya ko dikhlayenge...

khud ko sabit kar jayenge....

humm aayenge....khwaab layenge......!!